Pathian Lunghrinhnak

 

Pathian cu Dawtnak Pathian a si bangin a tuahmi thil vialte hi dawtnak in a tuah dih ko. “Dawtnak in thil a tuah dih lo, Biakamhlun chan ah chia tha hmanh a hngal lomi, a sual lomi ngakchia le mi tampi a thah sawh ko tung hna, hell mei chung zongah mi tampi a tlak rih ko tung hna lai” ti banrukin zumtu lila hmanh nih Pathian hi Lunghrinhnak kan ngei kho. Kan mawh hrim lo. Pathian sining hi taksa a simi minung thluak le fimnak in kan hngalh fian dih khawh lo caah Pathian kan lunghrinhnak hi a si ko.

Minung nih Pathian lunghrinhnak kan ngeihnak a ruang 2 cu
1. Baibal ca a chung bia hna ruangah
2. Zumtu kan bia le hla hna ruangah hin Pathian lunghrinhnak hi a chuahpi.

Biakamhlun chan ah Pathian nih mi a thahnak hi Baibal tialtu hna nih Pathian an hmuhning deuh a si. Hi bantuk Baibal tialmi hna nih hin Pathian hi a ding lomi a lawhter tak ko cu el awk thalo a si.

Khrihfa kan i cawnpiaknak kan bia le hla hna ruang zongah mi tampi le ngakchia hna nih Pathian cu tih a nungmi, dantat a hmangmi le mi thah a hmangmi Pathian ah an ruah tak. Minung kan bia le hla hna nih hin Pathian lunghrinhnak tampi a chuahpi cang. Cucaah Biaknak lei kan biachimbiachim holh rel le kam catial hna hi i ralrin le fimkhur a herh tuk. A hlei in Pathian ti telh in bia kan chimmi le ca kan tialmi ko ah i ralrin kan herh.

 

 

Pathian nih hin a nawlngaihnak le a thil ti khawhnak hi minung kan cungah ruru hranghrang in a hmang sawh huar lo.

Pathian cu a din bang a thil tuahmi zong a ding i a dik dih ko. A ding lo tiah lunghrinhnak kan ngeih si cun Pathian sining kan hngalh fian khawh dih lo caah a si ko.

Pathian cu a sual lo i a sual kho lo. Sualnak le a ding lomi thil a tuah kho lo. A sualmi le a ding lomi thil he aa ralchanhmi Pathian a si.

Pathian cu a sualnak kan kawl zongah a sualnak kan hmu kho lai lo. Kan hmuh kan ti zongah kan ruahnak men khi a si lai. Pathian cu Sual zong kan phaw kho hrimhrim lai lo.

Pathian nih hin Keimah nawl a si tiah minung kan cungah thil thalo a tuah huar lo. Ruru hranghrang in a ummi Pathian a si lo. Ningcang tein, a sining tein a ummi a si.

Minung nih thil thalo kan ton cu kanmah kan sual ruangah OR midang an sual ruangah, sualnak ruangah khin a si tawn.

Pathian cu Dawtnak Pathian a si bangin
Minung kan ruah khawh lengin a thami le a dik felmi a si.