US hi ram rum le ram thangcho a si nain ram nuam cu a si hraw lo. US khua sakning hrim hi ram nuam khuasakning phun a rak si lo. US hi Ram nuam a si lo ruangah Depression zawtnak a ngeimi an tam tuknak ram a si. Ram nuam a si lo ruangah mah le mah i thah hna a tam tuknak hi a si.
Nun hi kan i nuamh lo ahcun Depression timi thinlung zawtnak ngeih a fawite. Depression zawtnak ngeih cang ahcun mah le mah i thah duhnak lung ngeih hna a fawi te.
US ah hin lungthin fahnak nih Chinmi zong a kan nenh tuk cang. Cucaah nuam tein nun i zuam le Lungthin nuamhnak hmuh kan herh tuk. US ah hin Depression zawtnak a ngeimi tampi an um hna i, a ruang tampi a ummi lakah pakhat cu an nun nih nuamhnak a hmuh lo tuk ruangah a si ti a si. ( keimah hngalh tonmi).
Ram nuam a si lomi ah hin zeitin dah kan i nuamh khawh lai i lungthin nuam tein khua kan sak khawh lai? timi hi pumpak pakhat cio nih ruah ngai a van hau cang.
Mino hna nih US ah hin nuam tein nun le hawi hgar loin tlawnlen kan duh ve ahcun mipi cawlcanghnak hna ah vai i tel ve lengmang ding a si. Mibu cawlcangnak ah i teltum hi a bikin mino ko nih kan herh. Kan No lio teah mibu cawlcangnak hna ah kan i tel a herh.
Sianginn khar caan le rian i dinh caan hna ah hin mah lawngin inn ah um sawh huar nakin hawi le um le mipi cawlcanghnak hna ah vai i tel ve tu hi kan i thim deuh awk a si. Mah lawngin umnak chacun a tha deuh saumau. Mah lawng in kan um tikah hin a herhmi zong kan tuah tawn hna lo, game hna kan i kah thulh, Video le Social media kan hmang sawh, Fb hna kan thai sawh thulh i ti cun kan caan kan hman men tawn.
Hawi he nuam tein a um thiammi si a hau. Hawi he ai hawikom thiammi si a hau. Lungthian zong a hau.
Mahpi lawngin a um theomi cu an nun an i nuam lo deuh i Depression zawtnak, lungthin damlonak hna ngeih an fawi deuh ti a si. Cucaah mipi cawlcanghnak a um paoh ahcun vai i tel i zuam lengmang ve ding a si.
Mipi lak ah vai i tel cu nun nuamhnak zong a si. Hmuhtonmi le theih hngalhmi tamnak zong a si chih caah Mipi cawlcanghnak ah vai i tel ve lengmang cu kan caah thil tha tuk khi a si. Nun thancho duh le hawi tluk si kan duh ahcun mipi cawlcanghnak lakah i tel ding hi a haumi a si. Hawi sin le Mipi cawlcanghnak ah i teltum hi cu a thatnak deuh lawngte a si ko.
No lio tein Mah lawngin caan a hman pengmible Hawi sin ah a chuak lang duh lomi cu hawi an tluk kho tawn hna lo ti a si.
Ram thumnak, Khrihfabu hme deuh ah a ummi mino hna caah cun nuamhnak, lente celhnak le mipi sin i teltumnak ding hi a rak tlawm deuh. Hi zong hi Khrihfabuu hme ah um a that lonak phunkhat a si.
Ram nuam a si lomi ah hin ai nuam bik dingmi le ai lawm bik dingin ka ruahmi hna cu ” mipi lak ah ai teltummi, nun a siangmi le midang bawmh a duhmi (rian bawmh) ” pawl hi an nun an i nuam bik lai i an i lawm bik theo lai tiah ka ruah.
Satu CHIN 