Pumhnak ah Gospel Song Sexy Acting. ( Worship time at Sexy Gospel Song acting )

 

Mizo pawl lakah cun Biakinn  pumhkomh, Pathian biak caanhmannak ah acting song hi hmuh awk a um ti lem lo nain Chinmi lak ahcun a lar ngai rih i a paw ngai rih. Mah lakah  tuchan mino le ahlei in nungak, Nu pawl an acting song i an lamning thenkhat hi cu pa pawl mit ahcun a sexy pah ziar theo caah pa thenkhat caah cun sia a rem tawn lo. Mino pawl biakinn pumhnak ah acting song an lamdan thenkhat hi cu Pathian biak lio lam dingin cun ai tlak deuh lomi an si hna.

Mino pawl Khoika in lamning an i lak?

Korea lam a tam deuh cu sexy lam lawngte a si. Bia porh lo tein tial ko ahcun Laiholh in cun Hur lam le zer lam khi a si kan ti ko lai. Bantuk sexy lam pawl cu Zumtu hna nih i cawn dingah cun ai dawhcah lomi thil a si.

Tuchan mino le nungak thenkhat cu Korea pawl an lamnak khi an zoh lengmang hna. Mah lakah Sexy lam te hna zong khi an zoh tawn i an lam pah tawn hna. Mah pawl lak i an duhmi kha Gospel hla an acting song tik, an lamnakding caah an i lak bang. A sexy pahmi lam dan he, ai ning deuhmi lamdan he tiin an lak, an cawhthup i ti cun hla fungkhat acting song ding an chuakter.

Ti cun pumhnak Biakinn pulpit ah an van acting song, an van lam ciamman, sexy dom in an van lam i an thu thulh, sexy pah in an van dir tulh tikah cun pa pawl nih cun zoh ngam zong an si pah tawn lo.

An lamning dan kongah Khrihfabuu upa pawl nih siseh, Pastor nih siseh, a lungfimmi hna nih a sexy mi lamdan cu hrial deuh pah ko u ti bantuk chimh zong a um a tawn lo. Nu pawk An lamtik i an thil hruk hmanh khi pa pawl caah cun a sexy pah tawn i chim awk a um pah tawn. Mino pawl acting song an lam kongah a lung fimmi hna nih ruahnak cheuh zong a haumi a si ko. “Lam duh hlah u” tiding zong an si ko.

Tlangkawmnak ah
Pumhkomhnak biakinn ah a sexy pahmi lamdan, acting song hi cu hrial deuh cang ding kan si. Biakinn Wordship caan hmannak ah Mino pawl an acting song an lamdan tam deuh cu suallam a ngei lem lomi le a sexy mi lam bantuk an si hna i zumtu caah Thazaang lak awk zong pakhat hmsnh a um lo. An thiam bak ti ding tlak le kutbengh piak tlak lawng an si. Bantuk cu lamter hna lo zongah a poinak a um hraw lai lo. A herhmi zong a si lem lo.

Note: Hiti tial tikah Biakinn ah mino pawl Acting song lam hlah u ti duhnak a si lo. I Copy loding…