Lairam Um Laikhal Pa a phunzainak

Thingram kongah

Vok Inn saknak ah thing a herh. Mi dum i thing fir cu ka duh lo caah Vuichip Tlang ah har le fe le thlanhri pi puakin Thing cu ka va sâm.

Mah hmanhah cun thingram na daw lo, duh paohin na saam sawhsawh ti a si hoi.. Mi dum i ka sâm ah le mithing na fir ti a si hoi lai..

Sermi thil paoh cu Minung caah Pathian pekmi an si ko. Thing ka sâmmi cu Thingram ka dawt lo a si bak lo.. Thingram dawt zongah a za tawk te a um. Zeipaoh a zatawk te an um cio.. Nan thingram nan dawtning in ka nun ding a si cun Lairam khuasak hi cu kan tlamtling kho bal lai lo tiah tha lo tein Lai khalpa a phunzai.

Ramsa kongah

A der ngaimi Ka fa le pali le a zaw pah lengmang ruangah a der tukmi kan nu he Sa kan ei lonak Thla nga leng a si cang caah sa ei kan haw tuk, kan thazaang zong a der ai cang. A thaizing ah ram vai kai thawh i sakhi pakhat ka hrilh khawh. Kan chungkhar tein sa kan ei kho cang lai tiah lawmhnak in ka khat lio ah..

Saram daw thenkhat pawl nih ramsa na daw lo, a ci na hmih dih lai tiah Tha lo tein an ka mawhchiat i an ka tlanglamh hoi ai.

Mimolh bantukin um ka hau ne ai. Bialo kan si ko. Saram zong cu Pathian nih minung ei awkah a kan pekmi pei a si ko cu. Khuate ah khuasa mi ka si. Saram zong cu ka kap peng hlei tung lo. Thlathum pakhat, khumkhat pa hnih thum hei ti hrawng pei ka hrilh ko cu. Nan saram dawtning in kan nun ding a si ahcun khuate khuasak hi cu zei saa hmanh ei loin kan nun a hau lai i kan thazaang zong a um tung lai lo. Lo kal le rian dangdang zong thathi in kan tuan khawh huaha tung lai lo tiah Lai khuate um Laikhal pa tha lo tein a phunzai ti si.

By- Satu Kmc