Mi tampi nih Jesuh cu “Caw rawl einak kuangah a chuak” tiah kan chin i kan tial theo hna. Baibal ning zong a si tiah kan ruah i Hla tiangin “Jesuh cu caw rawl einak ah a chuak” tiin an phuahmi a tam ngai cang. Nain Mah bia hi ruah setmat cun a dik lomi a si i Baibal ning zong a si lo. Phuahchop bia men khi a si ko.
Baibal ah “Jesuh cu Caw rawl einak kuangah a chuak” ti pakhat te hmanh a um lo. A chuah khawhin “Caw rawl einak kuangah an thlim(ihter)” ti lawng a um.
…ngakchiate pakhat kha puan in an zual i caw rawl einak kuang chung i an thlim kha nan va hmuh lai,”.. Luka 2:12
Jesuh kha a chuah khawh in Ihkhun cungah thlim(ihter) hna seh law “Jesuh cu ihkhun cungah a chuak “kan ti lai maw? Kan ti cun nihchuak bia men khi a si hnga..
Tlangkawmhnak ah-
“Baibal ningin a fiangmi cu Jesuh cu Caw Rawl einak kuangah a chuak bak lo, an thlim tu a si.
“Jesuh cu Caw rawl einak kuangah a chuak” timi bia hi Baibal ning si loin phuachop bia men a si caah a lung a fim komi nih cun kan chim lengmang awk zong a si ti lo. A chuah khawh in caw rawl einak kuangah an thlim ti tu in Baibal ning te tu in kan chim deuh awk a si.
Puan in a zual i caw rawl einak kuang chungah khan a thlim, riahnak khualbuk ah khan an caah hmun a um lo. Luka 2:7
Hitin ka van tialmi hi virhkhoih tuk le buainak chuahpi duh ah a tial tiin rak ruat hlah u. A dik lomi cu raltha tein chim tial ding kha kan rian a si.
-Satu Kmc
Satu CHIN 
Jesuh Cawrawl einak kuangah chuak loin, caw-inn ah, a chuak ti cu a fiang. a chuah in, Cawrawl einak kuangah an thlim tu cu al-awk ṭha lo. Cawrawl einak kuang ahcun, a hringtu Marry kha ai tlum hnga lo…Caw-innchung ah, hrin in, caw-rawleinak kuangah an thlim, timi cu na vun fianh ko hih.
LikeLike