Mah hiha thei cangmi .zong nan um men lai nain tam deuh cu a thei rih lomi kan si theo lai. A thei rih lomi ca cun thi thar le thawngṭha bak a si kan ti ko lai. Phone caṭialnak Gkeyboard ah Laiholh ti bakin Lai keyboard caṭialnak thar a van i tel chih cang. Andriod phone lawngah Laiholh keyboard a um. Iphone cu a Keyboard a um nain Hakha Chin Keyboard aa tel chih lo i Iphone tama pawl cu nan vanchia kan ti ko lai.
Laiholh keyboard a si bang “Ṭ, ṭ” tawdeh tlamtling tein a van i tel chih. Aṭhat khunnak cu Lai dectionary zong a van i tel chihmi hi a si. Laiholh keyboard in Ca na ṭial tikah a cungah Lai cafang pawl a van lang chih lai. Mah hi Laica ṭial a thiam lomi hna Laica an thiamnak ah bawmtu ṭha bak a van si ding a si
Hi Laiholh keyboard hi cu a ṭha kho taktak khi a si ko. English pawl keyboard tlukin a ṭha i a makmi a si. A hmaan a nuam i a reng i catial zong a fawi. Phone Catialnak keyboard ahcun a ṭha bik lei a si.
Hi Laiholh catialnak keyboard hi Amah lawngin chuak loin Gboard chungah aa aa tel chih. Alak(free) a si. Gboard Keyboard ah hin vawlei cung ca tampi a tlinnak a si. Kawlca Unicode zong ṭha tak in aa tel chih.
Laiholh caṭialnak aa telnak Gboard hi Laimi le Laiholh a hmangmi, Laica a ṭial tawnmi nih cun hman lo awk ṭhalo catialnak Keyboard a van si. Ṭ, ṭ cafang deh zong a ummi Laiholh Keyboard thar hi cu Laimi a simi paoh nih cun rak hmang cio ding kan forh hna.
Laimi nih phone in Lai caṭialnak Keyboard ṭha kho tuk kan van ngeih cang cu lawmh a um kho tuk. Hi Keyboard hi cu Laimi caah cun a ṭha kho tuk i a chim zia zong ka thiam ti lo. rak hmang hmasa cio u law nan hngalh ko lai. Kailawm.
Laiholh Keyboard playstore dawnload link
https://play.google.com/store/apps/details?id=com.google.android.inputmethod.latin
Laiholh Keyboard caṭialnak Phone ah khumhning le Install ning video link: https://youtu.be/jSrjvQP3zj8
Laiholh Keyboard App pure dawnload link
https://m.apkpure.com/keyboard/com.google.android
Theihding: Mah Laiholh keyboard hi Gboard keyboard chungah aa telmi a si i hi Gboard na Dawnload khawh in Laiholh keyboard hman a ngah colh lai lo. Aruang cu Laiholh keyboard amah lawng tengte in an sermi a si lo caah a si. Language i Add language ah khan Hakha Chin tiin Laiholh keyboard na add piak a hau lai. Video link ka chiah chhihmi ah Laiholh keyboard khumhning zong a fiang chih ko lai. Kailawm.
#######################
Chin Hakha Keyboard, Laiholh Keyboard, Chin Keyboard, Hakha Keyboard.