Tuchan zumtu Khrihfa lak hmanh ah JESUH Khrih hlei in, lamdang in Paradis( Vanram) kai khawhnak lam a um theo lai tiah a zummi hna an van um pah.
Atu chan ah JESUH Khrih hlei in Vanram kai khawhnak lam a um bak lo. Hmailei zongah a um fawn lai lo. Caan dongh tiang zongin a um lai lo. Lam le Biatak le Nunnak cu Jesuh a si. Jesuh sin in ti dah lo cun ahohmanh Pa Pathian sin an phan kho lai lo, tiah Jesuh nih fiang tukin a chim. ( Jhn 16:4 )
Mah ruangah Dawtnak rian sung bik tuan i Biaknak dang le lawkihmi zum lotu pawl JESUH zumtu an si khawhnak hnga Khrih khamhnak thawngtha va chimh hna i Lam dik ah hruai hna cu zumtu hna kan rian nganbik le Bawipa Jesuh nih a kan thlah hnawnh chanmi rian a si ko. Amah Pathian nih va chim hna u tiah a kan fial bakmi rian sunglawi bik a si.
An Nun lio ah Jesuh Khrih khamhtu ah a zum duh bak lomi le Bawipa ah a cohlan duh lomi cu an thih tikah an thlarau in Hell ah an tla te ko lai. A zum duh bak lomi cu an nun lio hmanhah sual phawt cia an si cang.
Hi ruangah pei Pathian mihman hna nih an nun lio caan tawite chungah Pathian nih a kan dawtnak thawngtha, Jesuh Khrih nih a kan Khamhnak thawngtha hi thih le thih, nun le nun tiin Dawtnak lungthin he an chim phuan len le an aupi lennak a si cu.
Khamhnak thawngtha bia hi chimh an si lo ahcun zeitindah an theih khawh lai? Cun bia kha an theih lo ahcun zeitindah an zumh khawh lai? ( ROM 10:14 )
Biatak le Khamhnak Thawngtha bia hmanh raltha tein Kan chim phuan ngam lo ahcun … bia dih ko.
Hi kongah lungawtawn awk le zumh lo awk pakhat hmanh a um lo. Zeicahtiah Baibal nih a fianter dih cang. Na lungawtawm i na zumh lo ahcun Baibal ca nakin na khuaruahnak le na cawnnak le na fimnak kha nai bochan deuh i na zumh deuh tinak a si lai.
Satu CHIN 