Merry Christmas, X’mas Timi Biafang Kong Fianternak.

#Merry”  ​ti a suallam cu << i lawmh, lawmhnak >> tinak a si.

#Christ ” a sullam cu << Chiti thuhmi, thimmi >> tinak asi.

#Mas ” a sullam cu << mibupi, mi tampi >> tinak  a si.

X’mas ti hi a hlan cun << Jesuh Khrih philhlonak puai >> in an rak hman i sullam an rak ngeihter. Cuti caan saupi a kal hnu in nihin ahcun ” X’mas” cu << Jesuh Khrih chuah ni lawmhnak puai >> in kan hman i sullam kan ngeihter..

X’mas, timi fianternak

Christmas hi X’mas tiin tial a poinak a um lo. Aruang cu X’mas i ” X ” hi mirang ca holh khi a si lo. Greek caholh a si. Greek ca Χριστος i ” X ” kha lak in ” X’mas ” tiin tial a si. Greek caholh *Χριστος* ti a sullam cu *Christ* tinak a si.

<< X’mas le Christmas >> hi a sullam ai dannak a um lo. A sullam ai khat. Krismas tiin tial zongah a poinak a um thiam lo.

X’mas hi ➳  Xmas, X-mas, x-mas, xmas ti ttial cun a dik deuh lo.

X’mas tiin ttial hi a dik bik i sullam a ngei bik.

” Mas ” Biafang kong Fianternak

” Mas ” hi a hlan cun ” Mass ” ti a rak si i hi biafang ruangah mitampi an lung a rak buai ti a si. Mah ruangah R.C pawl nih ” Mas’ tiin ‘s’ pakhat an hlonh i “Mas” tiin an rak tlen.

#Mass cu ‘hmaizahmi, upatmi’ tinak si. Mass hi mitampi/mibupi ti zong in sullam ngeihter a si.

(Palhnak um ai khun, rak ka sawh piak u law, ngaihthiam kai ham cia.  Kaalawm…)

A fian deuhnak ding caah a tangah Pastor J Mang Bik Cung tialmi ka van chiah chiah.

Xmas or Christmas

Chim tawnmi cu “Hngalh lo maw fak deuh theih lo” tihi asi tawn. Kan hngalh lo le theih lo ahcun zei hmanh khi chim awk a um lo – a dih bak khi asi tawn ko. Lai khuate zei maw zat le Pathian rianttuantu zei maw zat nih fak ngai le hlawptlo ngai in an chim tawnmi le mi cheu nih thinhang ngai le lungfak ngai in an chim tawnmi cu ” Xmas” kan ti awk asi lo – ‘Xmas’ ti cu ‘ Christmas a um lo – No Christmas” tinak asi an ti tawn. X – cafang pakhat te kha an i lak riangmang i “X” cu ” No” tinak asi.

Vawlei mifim thiam pawl le zumlotu pawl nih Khrihfa zumhnak le Christmas hrawhduh ah an hmanmi asi” tiin fak ngai in an chim tawn. “Xmas” kan ti tikah “X” hi Greek cafang asi. English Alphabet “ABCD…. X” khi chim duhmi asi lo. Cun, “X = No” tinak zong khi chim duhmi asi lo.

“X or x” cu Greek cafang ngan le cafang hme ansi. Mirang in “Chi or Kai” tiah an ti. X nih a langhter mi cu “Christos” ti asi i, a sullam cu “Christ” – “Khrih” tinak asi. Cucaah, “Xmas” ticu ” Christmas” tinak asi. Mah hihi a luanciami kum 1000 lio ah Bible Scholars pawl nih an rak hman tuk cangmi asi. Cun, “Xmas or Christmas” kan ti tikah “mas” hi zei asi hmanh kan thei tawn lo. “Mas” cu Old English ah ” Mass” ti asi i “Mi tampi” tinak khi asi. Cuti si ahcun ” Xmas or Christmas” ti cu a sullam zei dah asi ne?

1. Xmas le Christmas cu a khat mi an si kha philh hna hlah usih.
2. X = Christ and Mas = Mass ( X – cu Khrih tinak. Mas or Mass ti cu Mi tampi tinak)
3. Christ – ti cu “Chiti thuh” (anointing) tinak asi. kan Baibal bia kam hlun chungah Siangpahrang ttuanmi paohpaoh cu profets hna nih an lucungah Chiti an thuh ta hna. Chiti thuh lo in Siangpahrang ah an cang kho bal lo. Cubantuk in “Jesuh Khrih” zong hi vawlei mi vialte caah “Siangpahrang” asinak lai “Chiti” thuhmi asi ve kha a herh caah ” Christ or Khrih” – Chiti thuhmi Siangpahrang” tiah ti asi.

Cucaah, Xmas or Christmas ti cu “Jesuh Khrih cu vawlei mi vialte siangpahrang” tinak khi asi. Phun dangin kan chim ahcun “Xmas or Christmas” ti cu “Mi vialte caah a chuakmi Siangpahrang Jesuh Khrih lawmh caan” ti khi asi.

Note: Thiam hlei ruang le fim hlei ruangah mah hihi ka ttialmi asi lo. Pastors le Evangelists tampi nih ralttha ngai in Pulpit cungah “Xmas” kan ti awk asi lo ….balabalabala …tiin mi tampi cu an kan chimh. Cun, Khuate cheu khat ah “Xmas le Christmas” bia hman ruangah bia alnak le siknak tete zong tampi a um tawn ti asi. Kei mah pumpak zongin tampi ka theih caah zawnruahnak le siaherhnak he ka ttialmi asi. Tthat hnemnak tu ah Bawipa nih kan serpiak hram ko seh. Careltu nan cungah Bawipa thluachuah um ko seh.
” Merry Christmas to you all”