Online ah hin Salai Lungthlitum hi Chinmi lakah A kong ceih theo mi le Mawhchiat Tlanglamh a tong tam bik lei a si.
Lai media pawl tete zong nih Salai Tumtum tlamtlinlonak le Thlanglamhnak, mawhchiatnak deuh lawngte hi an tial theo, ka hmuh pah lengmang.
Chinmi kanmah le kanmah hi a herh lo tukmi kongah i soisel tuk hlah u sih. Chinmi phun khat kan si bangin khat le khat i soisel Thlanglamh loin i dawt ding le Thazaang i pek ding tu kan si.
Salai Tumtum cu Lungtum bantuk a si i zeiti nan va ti len zongah nanmah tu nan i chol peng ko lai. Salai Lungthlitum va ti len cu Lava ah amah tein a ummi Lungpi, Furpi tilian zong nih a chaih chih zongah ai thial kho lomi, a zeihmanh a poi lomi bantuk khi a si. Cun amah tein a um komi Lungpi khi chai in va chaih bantuk ceo a si. Nan chaih zongah Nan dalh bal lai lo. Nan thaitholh tu a man dih lai i ai thek dih lai. Nanmah tu an peh hna lai.
Salai Lungthlitum hi zoh tikah Chin mino lak ah a rian a hlawhtling leimi a si. A cawnnak zong a saang i Chinmi lakah Chawva lei zongah mirum ti awk a si i Min ngei ngaingai zong a si. Hitin a sinak hna hi Pathian nih a cawisan i Thlua a chuah caah a si ko lai ti cu a fiang ko. Hmailei Chinmi phun caah atu nak tam deuh pi zongin Thluachuah a siter ko lai.
Cu caah Pathiam cawisanmi cu minung cu Soisel Thlanglamh lengmang ti hna hlah u sih. Kanmah ca zongah a tha lai lo.
Hmaizah tlak cu hmaizah u sih.
Conglawwmh tlak cu conglawmh u sih.