Mi a nuamhter khotu le a nihter khotu Sunghsak a herh.

Pathian nih kan nun caan tawite hi nuam tein hmang hna seh ti a kan duh piak. Phungthlukbia ah “Minung cu Ai nuamh khawh chungin i nuam hna seh” a kan ti. Kanmah te lawngin cun kan i nuam kho lo. Nihter khotu le Nuamhter khotu a um a herh. Kan ngamdamnak caah Capo le nih hi a rak herh tuk ve.

Cucaah Capo seih a thiammi le mi a nih nuamhter khotu vawlei ah a rak semter.

Mi a nuamhtertu le a nihter khotu minung hi vawlei cungah man an ngei tuk. Vawlei nih a herh tukmi an si. Cucaah Pastor pawl bantukin mi a nih nuamhter khotu hna hi Sunghlawih ding le hmaizah dingmi minung an si. Mi a nih nuamhter lengmangtu Pakhat khat an liam hin cun vawlei nun hi a nuam lo chinchin.

Capo seih a thiammi hna khi Capo seih an uar tuk ruangah Capo an chim lengmangnak a si lem lai lo. Mi nuamhter le nihter an duh ruang tu ah a si deuh tawn. Ngaihchiat le i nuamh lo a that lo ning kha an i fian tuk caah a si tawn. Vawlei harsatnak le ngaihchiatnak ai ah nihnak thlam a lenter khotu hna cu Upat hmaizah ding minung an si bak ko.

Na umnak ah an nihter kho lengmangtu le an nuamhter lengmangtu a um cun rak daw cikcek. Mi vantha na si. Mihrut ah rak ruat bak hna hlah. Capo saihnak men lawngah rak hmang fawn hna hlah.

-Satu Kmc.